کنہیا کے ساتھ کورٹ میں مار پیٹ، صحافیوں پر پھینکے گئے پتھر

ملک غداری کے الزام میں کنہیا کمار کو پولیس جیسے ہی پٹیالہ ہاؤس کورٹ لے کر پہنچی وہاں موجود وکلاء نے مار پیٹ شروع کردی. کنہیا کے خلاف وکلاء نے نعرے بازی کی. ساتھ ہی صحافیوں پر بھی پتھر پھینکے گئے.

پیشی سے پہلے کنہیا کمار کے ساتھ دھکا مکی ہوئی ہے. تاہم کورٹ میں سیکورٹی کی وجہ سے بھاری تعداد میں پولیس فورس موجود تھی. باوجود اس کے کنہیا پر حملہ ہوا.

وہیں، آپ کو



بتا دیں کہ دہلی کی پٹیالہ ہاؤس کورٹ میں پیر کو بھی ہوئی مار پیٹ معاملے میں پولیس نے دو ایف آئی آر درج کی تھی. پولیس نے ایک ایف آئی آر کورٹ روم کے اندر ہوئی صحافی اور دیگر لوگوں کے ساتھ مار پیٹ کے معاملے میں کی ہے جبکہ دوسرا ایف آئی آر کورٹ کے احاطے کے باہر ہوئی مارپیٹ کے معاملے میں کی ہے. اس کے ساتھ ہی پیر کو صحافیوں کے ساتھ مار پیٹ کرنے والے وکلاء کو عدالت نے سمن جاری کیا ہے.